AP: విజయవాడ ఆర్టీసీ బస్టాండ్‌లో ఇద్దరు డ్రైవర్ల మధ్య ఘర్షణ చోటుచేసుకుంది. ఫ్లాట్‌ఫాం పైకి బస్సులను చేర్చే విషయంలో వివాదం చెలరేగింది. ఈ వివాదం అందులోని డ్రైవర్‌పై మరో డ్రైవర్ దాడి చేసేందుకు దారితీసింది. జమ్మలమడుగు డిపో డ్రైవర్‌పై కల్యాణదుర్గం డిపో డ్రైవర్ అసభ్య పదజాలంతో దూషిస్తూ, కాలితో తన్నాడు. దాడి సమయంలో బస్సు ఇంజిన్ ఆన్‌లో ఉండటంతో ప్రయాణికులు ఆందోళనకు గురయ్యారు. ఈ ఘటనపై ఇద్దరు డ్రైవర్లు ఫిర్యాదు చేసుకున్నారు. ఉన్నతాధికారులు దర్యాప్తు చేపట్టి, బాధ్యులపై చర్యలు తీసుకుంటున్నారు.
